મારા અને કેન્દ્રની વચ્ચે જો શ્રી અરવિંદ આવતા હોય તો પછી બીજી કોઈ વસ્તુ કે વિષય મને આકર્ષી શકતા નથી.
અમે બંને ૧૯૯૩માં પોંડીચેરી પહેલી વાર ગયા હતા. ત્યાર પછી જેમ પારસમણીનો સ્પર્શ થતા લોખંડ સોનામાં પરિવર્તન પામે છે. તે મુજબ અમારા અજ્ઞાનતા ભર્યા જીવનમાં શ્રી અરવિંદ અને શ્રી માતાજીના દર્શન માત્રથી તેમના તરફ આકર્ષણ એટલું વધી ગયું છે કે પોંડીચેરીથી સુરત આવ્યા બાદ રોજ શ્રી અરવિંદ કેન્દ્ર પર જવાનો નિયમ બની ગયો. જેમ જેમ અમે કેન્દ્ર પર જતા ગયા તેમ તેમ અમોને અંદરથી જે જે પ્રશ્નો ઉઠતા હતા તેના જવાબો આપોઆપ મળી જતા હતા. સ્વાધ્યાય દ્વારા, પુસ્તક દ્વારા કે કોઈના પણ માધ્યમથી જવાબો મળી જતા હતા.
અમારા કેન્દ્રમાં પ્રાર્થના, ધ્યાન, સ્વાધ્યાય, પ્રસાદ, નવરાત્રી પર માતાજીના દિવ્ય સ્વરૂપોનું જ્ઞાન અને શ્રી અરવિંદ સુરત આવ્યા હતા તે દિવસોમાં શ્રી અરવિંદના વિષયો પર વક્તવ્યો રજુ કરવાનો દરેકને મોકો મળે છે. ને તેમાં કોઈપણ જાતના બંધન હોતા નથી. કોઈપણ ભેદભાવ કે હરીફાઈ જેવા ભાવ હોતા નથી. બધા એકબીજા સાથે “सहनाववतु सहनौभुनक्तु....” ની સાથે રહી આનંદની લહાણી કરીએ છીએ. અને તે ત્યારે જ બને જયારે તે આપણું પોતીકું હોય.
હવે તો દર ગુરુવારે મા ના સાનિધ્યમાં સાંજે ધ્યાન પછી ખીચડીનો કૃપા પ્રસાદ પણ શરુ થયો છે. જેમાં લગભગ સો જણ પ્રેમ અને આનંદથી તે ગ્રહણ કરે છે અને હા ધ્યાન હોલમાં પૂરેપૂરી શાંતિ જાળવવાનો પ્રયત્ન હંમેશા રહે છે.
આ રીતે ધ્યાન, સંગીત, ગીતા, દિવ્યજીવન, યોગ સમન્વય, સાવિત્રી જેવા દિવ્ય પુસ્તકોથી આધ્યાત્મિકતાનું જ્ઞાન મળે છે.મારું શ્રી અરવિંદ કેન્દ્ર આત્માનું મંદિર જ છે. આ મંદિરમાં બિરાજેલ પ્રભુને મારા કોટી કોટી પ્રણામ.

I am attending 'satsang' at centre approximately from one and half year. I get detailed knowledge about each and every sloka of 'Shrimad Bhagvad Gita'. Also I get spiritual knowledge from discussion on two lines everyday from "life divine" with meanings of difficult words and discussion on 'Savitri' every Sunday and "Synthesis of Yoga" sometimes. My energy level to control mind increases and I get mental peace. My self confidence and concentration increases. Due to unavoidable circumstances I am not able to attend 'Dhyana' session in the evening. I have to miss lecture sometimes at that time I feel I missed a lot.

It is great spiritual place. There is so much of positive energy. Good place for meditation and spiritual activities.
Sri Aurobindo centre is open to all. Every can come and feel the positive vibration of it.

મારું શ્રી અરવિન્દ કેન્દ્ર કહેતા જ માલિકીની ભાવના જાગ્રત થાય છે. “માં” નું ઘર શબ્દની સાથે જ હ્રદયમાં આનંદ અને ઉલ્લાસ આવે છે. શ્રી માતાજી અને શ્રી અરવિન્દના સાનિધ્યમાં દરરોજ સવારે ગીતા પાઠ અને દિવ્ય જીવનના સથવારે આધ્યાત્મિક વિકાસ માટે શ્રેષ્ઠ મંદિર બીજું કયું હોય શકે ? હું છેલ્લા ચાર વર્ષથી આ કેન્દ્રમાં આવું છું. એક પરિવારની ભાવના દરેક સભ્યમાં છે.
નવરાત્રીના અનુષ્ઠાન હોય કે નવા વર્ષનું ધ્યાન હોય દરેક સભ્ય સરસ રીતે ઉત્સાહથી ભાગ લે છે. વળી દરેક જાન્યુઆરી માસમાં “શ્રી અરવિન્દ સુરતમાં” ની ઉજવણીમાં દરેકનો ઉત્સાહ અને ઉમંગ અનેરો હોય છે.
આત્માના વિકાસ માટેની આ પા પા પગલી શ્રી માતાજીની કૃપા સિવાય બીજું શું હોઈ શકે ? “માં” અમને તારી કૃપાનું પાત્ર બનાવજે એજ અભિપ્સા.

સેન્ટરમાં પ્રવેશતાંજ મનની શાન્તિ બરકરાર રહે છે. નિયમિત સેન્ટરમાં જવાનું મનોબળ બળવત્તર થાય છે. સેન્ટરમાં એકદમ શાન્તિ અનુભવાય છે. સેન્ટરમાં અદભુત જ્ઞાન મળે છે. જે અન્ય ક્યાંય મળતું નથી. શ્રી અરવિન્દ તથા શ્રી માતાજીના સાનિધ્યમાં બેસવાથી અલૌકિક માનસિક શાન્તિ મળે છે. આજીવન આવા અલૌકિક વાતાવરણમાં રહેવાનું થાય તેવી પ્રાર્થના.
શાન્તિ

સેન્ટર મારું “પિયર” છે જ્યાં જવાથી “હાશ” નો અનુભવ થાય છે. “ટીપે ટીપે સરોવર ભરાય” તેમ ત્રીસેક વર્ષોના નિયમિત સવારે જવાથી મારા જ્ઞાનરૂપી સરોવરના પાણીમાં ધીરે ધીરે ભરાવ થતો અનુભવું છે. શરીર સાથ આપે ત્યાં સુધી ઇશ્વર પાસે એટલુંજ માંગું કે હું નિયમિત સેન્ટર પર જઈ શકું. “અફસોસ” એટલો છે કે શ્રી માતાજી માટે અને શ્રી અરવિંદના જીવન વિષે માણવા જાણવા જેટલો ટાઇમ આપવો જોઈએ એટલો અપાતો નથી.

"મારું શ્રી અરવિંદ કેન્દ્ર" એ વાક્ય જ બતાવે છે કે શ્રી અરવિંદ કેન્દ્ર મારા માટે કેટલું મહત્વ ધરાવે છે. એ મારું બીજું ઘર છે. જયારે હું સુરતના કેન્દ્ર સાથે જોડાઈ એવું કહેવા કરતા એમ કહી શકાય કે શ્રી માતાજી એ મને પોતાના યોગ માટે પસંદ કરી. શ્રી અરવિંદ લખે છે એ પ્રમાણે
He who chooses infinite has been chosen by the infinite.
સુરતના શ્રી અરવિંદ કેન્દ્રમાં જવા પહેલા આધ્યાત્મિકતા તરફ હું તદ્દન કોરી સ્લેટ જેવી હતી. મારામાં ખુબ બદલાવ આવ્યો છે. શ્રી અરવિંદ અને શ્રી માતાજીના સુરત કેન્દ્રમાં એવું તો કાંઈક આકર્ષણ છે જે મને હંમેશા શ્રી માતાજીના સાનિધ્યમાં રાખે છે અને હું આનંદમાં રહું છું.
“I love you MAA”

મારાં શ્રી અરવિંદ કેન્દ્રમાં શ્રી માતાજી તથા મહર્ષિ શ્રી અરવિંદના ચરણોમાં કોઈ પણ જાતના ભેદભાવ કે સંકોચ વિના એમના જ્ઞાનામૃતનો લાભ મળે છે. કેન્દ્ર પર જવા માટે અંદરથીજ આત્માનું ખેંચાણ થાય છે. જ્યાં ખુલ્લા દિલથી માતાજીના ચરણોમાં અમે અમારા વિચારો રજુ કરી શકીએ છીએ. રોજ શ્રીમદ્ ભગવદ્ ગીતા, લાઈફ ડિવાઈન, સાવિત્રી વગેરે આધ્યાત્મિક પુસ્તકો સમજવાનો લાભ મળે છે. આ છે મારું “શ્રી અરવિંદ કેન્દ્ર"

શ્રી અરવિંદ સેન્ટરમાં જોડાયા પહેલાં અમો મહાદેવનગર સોસાયટીમાં રહેતાં હતાં. ત્યાં પણ ગીતા અધ્યયનના કાર્યક્રમો ચાલતા હતાં. મને પણ આવા સત્સંગના કાર્યક્રમોમાં રસ હતો. ત્યાં પણ હું નિયમિત જતો. આ પહેલા આવા સત્સંગના કાર્યક્રમમાં જવાની મને તક મળી ન હતી.
નર્મદનગર સોસાયટીમાં આવ્યા પછી ઘણા વખતે મુ. શ્રી અનિરુદ્ધભાઈને મળવાનું થયું. હું ઘણા વખતથી તેમના પરિચયમાં હતો. વાતચીતને અંતે મને સેન્ટર પર જવાનું મન થયું.

શ્રી અરવિંદ કેન્દ્રનું નામ આવતાં જ મારી સમક્ષ આનંદમયી-તેજસ્વિની મા ભગવતી અને મહર્ષિ યોગી શ્રી અરવિંદની તસ્વીર ખડી થઇ જાય છે. તેમની સાક્ષાત હાજરી હોય તેવું અનુભવાય છે.

કેન્દ્રના પરિણામે મારા જીવનમાં જે દુઃખ, શોક, નિરાશા-હતાશા, વિચારોમાં નેગેટિવિટી હતી, તે સ્થાને શાંતિ, આનંદ અને સ્થિરતા આવી છે. જીવનમાં આનંદ-ઉલ્લાસનું ઝરણું વહેતું થયું છે. જીવન ધબકતું થયું છે.

તેને હું શ્રી અરવિંદ અને શ્રી માતાજીની અસીમ કૃપા સમજું છું.

અહીં આવતા બધા સહાધ્યાયીઓ મારા સ્વજન લાગે છે.
આ કેન્દ્ર મને મારા અને મંદિર કરતાં વિશેષ લાગે છે.

શ્રી માતાજી અને શ્રી અરવિંદની પ્રેરણાથી સેન્ટરમાં આવવાની મનમાં ઈચ્છા થઇ. જેથી મેં સેન્ટર પર આવવાની શરૂઆત નવરાત્રી 2017 થી કરી.
સેન્ટરમાં શ્રી માતાજી અને શ્રી અરવિંદના સાનિધ્યથી મને ખૂબ જ શાંતિ મળે છે.

Words fall short to express my feelings about "My Sri Aurobindo Centre".
The word "my" gives a sense of belonging, here, belonging to The Divine. We can feel The Divine Presence in and around us.
The writings of Sri Aurobindo and The Mother are explained here in such a beautiful and simple way that each person present can connect to them wholeheartedly.
Every word written by Sri Aurobindo and The Mother shows the true meaning and purpose of our life and gives a very strong spiritual support to face life. We can strive to be a better person every moment.

દરવાજામાં પગ મુકતાં જ એક શાંત, સુંદર વાતાવરણમાં કોઈ આવકારતું હોય એવો અનુભવ થાય. પગથિયાં ચઢતાં જ પ્રેમ વર્ષાવતું શ્રી માતાજીનું સ્મિત અને શ્રી અરવિંદની કરુણાભીની નજર પડતાં જ, "હાશ ! આવી ગયા " નો અહેસાસ થાય છે. અગરબત્તી પ્રગટાવતાં શ્રી માતાજીના સુંદર પાદત્રાણ પર અહોભાવથી મસ્તક નમી જાય છે. દિવ્ય જીવન અને યોગ સમન્વયનો સ્વાધ્યાય - જીવન પ્રત્યે હકારાત્મક દ્રષ્ટિકોણ વિકસાવવામાં મદદ કરે છે.
મને મારું શ્રી અરવિંદ કેન્દ્ર ખૂબ ગમે છે. 15 વર્ષથી નિયમિત રીતે કેન્દ્ર પર આવું છું, એને મેં અગ્રિમતા આપી છે.
સવારના મેળવેલા સુંદર વિચારો આખો દિવસ મનમાં વાગોળતા રહીએ છીએ.

શ્રી અરવિંદ કેન્દ્ર સુરતમાં, મારા માતાજી અને શ્રી અરવિંદની હાજરી કાયમ મહેસુસ થાય છે.
શુદ્ધ સનાતન સત્યની આધ્યાત્મિક પ્રવૃત્તિ કોઈપણ જાતના બંધન કે ભેદભાવ વિના, આ કેન્દ્રમાં થાય છે.
અહીં બેસવાથી ખૂબ જ શાંતિ મળે છે. જાણે કે મારું ઘર હોય. એ.

શ્રી માતાજી તથા શ્રી અરવિંદની હાજરી કેન્દ્રમાં કાયમ હોય છે.
જયારે હું કેન્દ્રમાં બેઠી હોઉં છું ત્યારે મને મારી માના ખોળામાં બેઠા હોવાની અનુભૂતિ થાય છે. મને ખૂબ જ શાંતિ મળે છે. આ શાંતિ, કેન્દ્ર જો પોતીકું હોય તો જ મળે.

શ્રી અરવિંદ કેન્દ્ર સુરતમાં, મારા માતાજી અને શ્રી અરવિંદની હાજરી કાયમ મહેસુસ થાય છે.
શુદ્ધ સનાતન સત્યની આધ્યાત્મિક પ્રવૃત્તિ કોઈપણ જાતના બંધન કે ભેદભાવ વિના, આ કેન્દ્રમાં થાય છે.
અહીં બેસવાથી ખૂબ જ શાંતિ મળે છે. જાણે કે મારું ઘર હોય. એ.

જ્યાં પૂજ્ય "મા"નો ખોળો અને મહર્ષિ શ્રી અરવિંદની છત્રછાયા છે,

જ્યાં સવારમાં સુંદર પવિત્ર વાતાવરણમાં ગીતામૃતનું આચમન કરાવાય છે
તથા શ્રી અરવિંદનું સાહિત્ય તથા શ્રી માતાજીની વાણી અને એમના પુસ્તકો માંથી
વાંચન અને અર્થઘટન કરીને સમજાવાય છે
એ છે મારું શ્રી અરવિંદ કેન્દ્ર.

અહીં આધ્યાત્મિક સેમિનાર, પર્વતારોહણનો કાર્યક્રમ, યુવા શિબિરો, વિશિષ્ટ વ્યક્તિઓનું વક્તવ્ય,
બાળકો માટે સંસ્કૃત અને અંગ્રેજીનું શિક્ષણ, નવરાત્રીના પર્વનું આધ્યાત્મિક આયોજન, પ્રાર્થના, સંગીત,
ધ્યાન તથા પ્રસાદીના આનંદની લ્હાણ પીરસાય છે.

આટલી વૈવિધ્યસભર વાનગીઓનો રસથાળ બીજે ક્યાં પીરસાય?
મારા શ્રી અરવિંદ કેન્દ્રમાં.
અહીં કોઈ બંધન, નિયમ, ફી, હાજરી, કાયદા, પંચાત, દ્વેષભાવ કે અર્થોપાર્જન નથી

.....बुधाः भाव समन्विताः .....
सततं कीर्तयन्तो मां .....
..... कथयन्तश्च मां नित्यं तुष्यन्ति च रमन्ति च ll

इति गीतायाः वचनानि मम केन्द्रे सार्थकानि भवन्ति l
अपि च यथा श्री जगन्मातुः पराम्बायाः एकस्यामेव हृदये पूर्णं जगत् समाश्रयते
तथा इदं केन्द्रं सततं सर्वेषु हृदयेषु शाश्वतं आनन्दं शान्तिं च अनुभावयति स्थापयति च l
अत्रागत्य जनाः स्वात्मना सह सहजभावेन युज्यन्ते l
अनायासपूर्वकं हि श्री मातुः श्री अरविन्दस्य कृपाम् अनुभवति कोડपि जनः l
अस्मिन् केन्द्रे अहं संस्कृतप्रशिक्षणं करोमि एतद् मम सद्भाग्यम् l
यथा अस्माकं शरीरे हृदयं मर्मकेन्द्रम् अस्ति
तथैव मम जीवने श्री अरविन्द केन्द्रम् अस्ति ll